Kuch ankaha sa chodh gaye tum, humen is kadar akela chodh gaye tum. Bitaya vo bachpan tere aangan main maine, tere dular se hi to khud ko seencha tha maine. Ek nazuk si komal kali hi to thi main, mujhe khilta guldasta banaya tune, Ek kachi maati ko saakar banaya tune. Tera chaukhat par khadhe ho, karna inetezar mera, "le peeja dahi ka paani, garmi bahut hai" ye kehna tera. Sabse nazren chupakar,meri har khwaish ko poora karna tera, zindagi k dav pech mujhe sikhana tera. Daant kar zabardasti meri thali bhar dena tera, "abhi to kuch khaya hi nahi" ye kehna tera. nanaji ko bhej bazar har baar mangvana vo motichoor k laddoo tera, "meri aniya ko bahut pasand hai" ye kehna tera. Tera khilkhilana, nanaji ka naam sun sharma jana. Mujhe apne aancal main chupake rakhna, "aa gayi meri aniya" ye kehna tera. Saaj shringar se kuch gehra sa naata tha tera, ek bhi safed kesh behad napasand karna tera. khubsurat sa chehra, vo badhi lal bindi, kale ghane kesh, vo seedhe palle ki saree pehan sajna tera, kaise bhuloon nani tujhe, jab mere bachpan k har pal, har kisse main kahin na kahin hai zikra tera. Toot si gayi thi tu, jab chodh gaye nanaji humen, par khadhi ho muskurayi thi fir bhi hum sab ki khushi main tu. ishwar ka matlab sikhaya tha tune mujhe, bhakti hoti hai kya samjhaya tune mujhe. Kya kya yaad karun, kuch bhule nahi bhul sakti, nani main tera karz nahi chuka sakti. Aaj chali gayi tu chodh ruansa mujhe, us chaukhat pe kaise jaun dubara jahan na ab saaya tera. Jate jate le gayi mere dil ka tukdha tu, kaise bataun ki mere liye kya thi tu. Tu to samajh jati thi sun aawaz meri ki khush hun main ya hai ye jhooti hansee , fir aaj kyun bhul gayi tu sab aur let gayi ban shant ek murat tu. ghabra jati hun jab aata hai ye khayal mujhe ki ab na sun paungi teri awaaz main, na chu paungi tujhe aur na kabhi dekh sakungi tujhe. Uljhi thi apni zindagi ki kashmakash main "main", na mil saki tujhse tere jane k pehle main. ab to rehna hai teri yaadon main mujhe, na fer sakti waqt ka pahiya main. Miss you nani, you will be loved forever. Though you left us, but you will always live in our hearts.
Naari
Naari hi shunya hai, naari hi brahmand hai !
vo mradu hai , par fir bhi sashakt hai !!
vo aashrit nahi, nirbheek aur aatmnirbhar hai !!
uski upeksha tumhari bhul hai,
uski utkrishthi tumhara kartavya hai !!
vo kabhi durga hai, to kabhi kaali ka roop hai !
kabhi mamta ka santosh ,to kabhi virodh ka aakrosh hai !!
pal main chanchal priytama,
to dusre pal tumhare aangan ka samman hai !!
Naari hai to marm hai, prem hai, parivaar hai !
Shila si kathor kabhi, to kabhi mom hai !
Maatratva ka astitva hai,
amit prem ka sagar hai !
Socho ! naari nahi to kya sambhav jeevan hai?
Is naari ko dahej se tolne valon,
ise apni lajja ka ghunghat udhane valon,
har waqt bus ise sita banane valon,
ise kathputli samajh nachane valon,
punah vicharo !! uske prem ko aakrosh na banne do,
uski samvednaon ko samman do,
is jeevandayini sanrachna ko fir sanvaro,
kyunki na bhulo !
naari hi shunya hai aur nari hi brahmand bhi !!
Maa..
Ishwar ki kriti hai vo, jisme hai mamta ka vaas. khuda ki parchai jisme hai uska dular. yaad aaj bhi hai vo bachpan mujhe , jo bitaya maa tere saath, tune ek pal na chodha mera haath. duniya ka har zulm saha, suni har kadhvi baat, par na chodha maa tune mera saath. Khud to rehti sooti main tu, par deti humko makhmal sa pyar. Sangharsh jitna dekha tune, khushiyon ko karke kurbaan, par na chodha maa tune mera saath. Tera aanchal yaad hai mujhko, na bhuli hun main tera laad, na kabhi chodha maa tune mera saath, har gum tu khud sehti thi, na hone deti thi humein aabhas. kasht bhare har lamhe ko sheetal karti teri chaanv, na kabhi chodha maa tune mera saath. Har choti badhi khushi poori ki humari poori ki tune har baar, par na socha tune kabhi apni khushi ko ikbaar. kitna kuch chupa hai maa tere ashkon k us paar, padhna chahti hun main bhi maa gtere ashkon ka sansaar. Itne dukh sahe tune hain, par ab dena chahti hun maa tujhko khushiyan apaar. Har sapna ab tera maa karna chahti hun saakaar, chookar tere aanchal ko apne dil k paar. Bas tu hi hai maa mere jeevan ka saar, tere har balidan par jeevan apna karti hun kurban.
Be Yourself…
Knowing yourself is the beginning of all wisdom - Arsitotle
They say the best way to keep your calm is to pen down your thoughts. We humans are so full of thoughts, we swim in that deep ocean of love , grief, joy and we don't know what all. I find true myself when I write. I don't know how the describe the feeling I delve into when with my journal and pen. I guess these were , are and will always be my bestest buddies.
Let's pen it down 